जन्मापासून संपूर्ण आयुष्यभर घेतलेला सकस आहार कुपोषणाच्या सर्व प्रकारांना तसेच मोठ्या प्रमाणात असंसर्गजन्य रोग टाळण्यास मदत करतो. परंतु झपाट्याने होणार्‍या शहरीकरणामुळे प्रक्रिया केलेल्या खाद्यपदार्थांचा वाढता वापर आणि बदलती जीवनशैली यामुळे आपल्या आहाराच्या पद्धतीं,मध्ये खूप बदल झाला आहे.

लोकं ऊर्जा (एनर्जी व कॅलरीज युक्त), चरबी, शर्करा, मीठ वगैरे जास्त प्रमाणात असलेले पदार्थ जरूरी पेक्षा जास्त पदार्थ खातात. तसेच बरेच लोक पुरेशी फळे, भाज्या आणि आहारातील फायबरयुक्त (रेशा) गोष्टी, जसे की संपूर्ण धान्य वगैरे खात नाहीत. हे सर्व कारणे असमतोल खुराकास कारणीभूत ठरतात.

संतुलित आहार असा असतो की ज्यामध्ये योग्य प्रमाणात विविध प्रकारचे खाद्यपदार्थ असतात की ज्यामुळे शरीरात चैतन्य आणि आरोग्य राखण्यासाठी सर्व पोषक तत्वांची गरज पुरेशा प्रमाणात पूर्ण केली जाते. त्याच बरोबर थोड्या अतिरिक्त पोषक तत्वांची अल्प तरतूद केली जाते, की जी कधीकाळी पोषक तत्वे कमी पडल्यास त्यांची उणिव भरून काढतात.

हल्लीच्या काळात अन्न समस्यां मध्ये चिंतेचे प्रमुख म्हणजे अन्न/पोषक घटकांचे अपुरे/असंतुलित सेवन. भारतातील सर्वात सामान्य पौष्टिक समस्यांपैकी एक म्हणजे जन्माच्या वेळचे वजन कमी असलेली बाळे, लहान मुलांमध्ये प्रोटीन-एनर्जी कुपोषण, प्रौढांमध्ये उर्जेची कमतरता, सूक्ष्म पोषक तत्वांचे कुपोषण आणि अयोग्य आहारांमुळे होणारे असंसर्गजन्य रोग. देशातील मानव संसाधन विकासासाठी आरोग्य आणि पोषण हे सर्वात महत्वाचे घटक आहेत.