स्पाइनल ट्यूमर

स्पाइनल ट्यूमर्सच्या उपचाराचा परिणाम रुग्णाचे वय आणि एकूण आरोग्यावर आणि स्पाइनल ट्यूमर सौम्य आहे किंवा घातक आहे, प्राथमिक आहे किंवा मेटास्टॅटिक आहे; यावर अवलंबून असते.

प्राथमिक सौम्य आणि घातक ट्यूमरच्या उपचाराच्या बाबतीत ध्येय एकच असते – म्हणजे ट्यूमर पूर्णपणे काढून टाकणे. यामुळे ट्यूमर बरा होतो, घातकपणा असल्यास घातकपणा आणि त्याची लक्षणे नाहीशी होतात आणि रोग्याच्या मज्जातंतूंची कार्यशीलता कमी होत नाही.

काही प्राथमिक ट्यूमरमध्ये – विशेषत: स्पाइनल कॉर्ड-इंट्रामेड्युलरी ट्यूमर मध्ये – मज्जातंतूंना इजा झाल्याशिवाय संपूर्ण पणे ट्यूमर काढणे (रीसेक्शन) शक्य नसते. त्यामुळे शस्त्रक्रिया करणयात येत नाही. आणि जरी ओपरेशन केले तरी त्याचे परिणाम अपेक्षेप्रमाणे चांगले येऊ शकत नाहीत.

मेटास्टॅटिक [शरीराच्या इतर भागातून मणक्यात पसरलेल्या गाठी] ट्यूमरचे उपचार ध्येय जवळजवळ नेहमीच उपशामक असते, म्हणजे रुग्णाचे दुःखणे कमी करणे व शक्यतो आरामदायक व दीर्घ आयुष्य देणे हे असते.

मणक्याच्या शस्त्रक्रियेमध्ये कोणत्याही शस्त्रक्रिये नंतर होणारी क़ॉम्प्लिकेशन्स होऊ शकतात, उदाहरणार्थ संसर्ग (इन्फेक्शन), रक्तवाहिन्यांमध्ये रक्ताच्या गुठळ्या होणे (डीप व्हेन थ्रोम्बोसीस) वगैरे धोके असतात.

त्या शिवाय प्रौढांमध्ये विविध स्पाइनल ट्यूमरच्या उपचारांसाठी केल्या जाणार्या मणक्याच्या शस्त्रक्रियां मध्ये इतर क़ॉम्प्लिकेशन्स होऊ शकतात.

हे लक्षात घ्यायला पाहिजे की ज्या रुग्णांमध्ये आधीपासून मधुमेह, उच्च रक्तदाब आणि स्टिरॉइड्सचा वापर झालेला आहे, त्यांना इतर रुग्णां पेक्षा क़ॉम्प्लिकेशन्स होण्याची शक्यता जास्त असते.