न्यूरो-आयसीयूमधील कोमॅटोज रुग्णांची ऑपरेशनच्या आधी, ऑपरेशन दरम्यान व ऑपरेशन नंतरची काळजी

रुग्ण शस्त्रक्रियेसाठी ‘फिट’ आहे की नाही हे प्रथम तपासले जाते. याचा अर्थ रक्त चाचण्या, क्ष-किरण, सीटी, एमआरआय, हृदयाची इको तपासणी, भूल देणे, उच्च रक्तदाब, मधुमेह आणि विद्यमान संसर्ग आहे का नाही ते तपासणे अशी एक लांबलचक यादी असते. ते सर्व रीपोर्ट चांगले असले तर मग एक फिझिशियन रूग्णाला फिटनेस देतो.

बऱ्याच वेळा मेंदूच्या शस्त्रक्रियेत, रुग्ण शस्त्रक्रियेसाठी ‘फिट’ नसतो, तरीही शस्त्रक्रिया केली जाते कारण रुग्णाला ‘शस्त्रक्रियेसाठी अयोग्य’ बनवणारी परिस्थिती शस्त्रक्रियेनेच बरी होणार असते. कोमॅटोज होणे ही अशीच एक स्थिती आहे जिथे डॉक्टर म्हणू शकतात की रुग्ण ‘शस्त्रक्रियेसाठी फीट नाही’. परंतु न्यूरोसर्जन त्या स्थितीवर शस्त्रक्रियेने उपचार करेल. रुग्णाला तोंडी किंवा ट्यूबद्वारे अन्न दिले जात नाही. याला NBM किंवा Nil By Mouth म्हणतात. शेवटी, रुग्णाची ॲनेस्थेटिस्टद्वारे तपासणी केली जाते. आदर्शपणे शस्त्रक्रियेच्या एक दिवस आधी आणि ॲनेस्थेशिया देण्याच्या पाच मिनिटे आधी ॲनेस्थेटिस्ट तपासणी करतात. रुग्णाने वरील सर्व चाचण्या आणि निकष पूर्ण केले तरच शस्त्रक्रिया केली जाते.